UMSITINGIN
Tú ert her: UMSITINGIN << - GREINAR
Tvørávegur 37
Postboks 80
800 Tvøroyri
Tlf. 611085
tvoroyri@tvoroyri.fo
02-03-2022

Samhugatiltak á Tvøroyri

Í kvøld klokkan 18.00 verður stutt samhugatiltak fyri Ukraina og øðrum krígsraktum økjum í heiminum.
Tiltakið verður uttanfyri Kongaliga handilin á Tvøroyri.
Dagfinn Olsen úr Vági hugleiðir, Jónsvein Bech, prestur, lýsir frið og tøgn í ein minutt, livandi tónar frá Eyðuni Nolsøe, Lív Næs og Tróndi Enni.
Tað eru borgarar fyri frið í Suðuroynni sum í felag skipa fyri samhugatiltakinum.
Eftir tiltakið verða dyrnar latnar upp í Tvøroyrar kirkju, har Petur Martin Johannesen, organistur, spælir urgutónar og møguleiki er at hugleiða í tøgnini og tendra ljós.
Fyrireikararnir heita á fólk um at lata seg væl í, hava okkurt slag av ljósi við og eina lítla termokannu.
Um veðrið ikki verður til vildar til uttanduratiltak, er møguleiki at flyta tiltakið í kirkjuna.
Borgarar fyri frið
 
N.B. Rættindini til myndina: Rasmus Steintórsson Biskopstø.
 
 



Umsitingin, Tvørávegur 37, Postboks 80, 800 Tvøroyri - Tlf. 611085 - tvoroyri@tvoroyri.fo