UMSITINGIN
Tú ert her: UMSITINGIN << - GREINAR
Tvørávegur 37
Postboks 80
800 Tvøroyri
Tlf. 611085
tvoroyri@tvoroyri.fo
15-02-2019

Gongd komin á spæliplássið

Spæliplássið, ið kommunan í fjør samtykti at gera, er nú so smátt byrjað at taka skap. Spæliplássið verður á økinum  omanfyri Posta/Bank Nordik bygningin í miðbýnum. Arbeiðsmenn hjá Teknisku Deild hjá Tvøroyrar Kommunu hava í seinastuni hampað undirlagið, har spæliplássið kemur at standa. 400.000 kr vóru settar av í 2018 til spælipláss og í 2019 er 1 millión sett av til spæliplássið.

Spæliplássið liggur frálíka væl fyri miðskeiðis í býnum og fer vónandi at vera til stóra gleði hjá børnunum. Spæliplássið inniheldur ymiskt til bæði stór og smá, eitt nú trampolinar, skreiðibreyt, klatrivegg og mangt annað, ið eisini sæst á viðfestu myndunum. Undirlagið á spæliplássinum er úr gummi og sera gott at ganga/spæla á.

Vit fylgja gongdini og koma við kunning tá stóri dagurin nærkast, at spæliplássið verður tikið í nýtslu.




Umsitingin, Tvørávegur 37, Postboks 80, 800 Tvøroyri - Tlf. 611085 - tvoroyri@tvoroyri.fo