HAVN OG VINNULÍV
Tú ert her: HAVN OG VINNULÍV << - GREINAR
STOVNAR


17-03-2023

DAGFØRING 17/3 - VATNVEITINGIN Í TVØROYRAR KOMMUNU

Nú liggjandi kavi hevur verið í fleiri dagar og kuldastigini eru støðug, eru áirnar kring um í kommununi frystar meginpartin av samdøgrinum.

Hetta merkir sjálvandi, at vatnnøgdirnar, ið renna í uppsamlingsbrunnarnar, eru ikki nøktandi. Longu nú eru fleiri støð í kommununi, ið einki vatn hava.

Vit harmast um hetta, men fáa í skrivandi stund ikki gjørt so nógv við tað. Arbeitt verður við at sleppa niðan í Rangabotn eftir vatni, men har er trupult at sleppa fram fyri kava. Arbeitt verður tó við hesum og at bøta um støðuna.

VATNIÐ TIKIÐ Í KVØLD OG Í NÁTT

Fyri at kunna savna eitt sindur saman av vatni í kvøld og nátt, so verður stongt fyri vatninum í allari kommununi, frá kl 22:00 í kvøld og til kl 06:00 í morgin árini.

Kuldin sær út til spakuliga at víkja tá tað nærkast vikuskiftinum, og vónandi førir tað við sær, at vatnveititingin aftur koyrir optimalt.

 

Tekniska deild

 



, Tvørávegur 37, Postboks 80, 800 Tvøroyri - Tlf. 611085 - tvoroyri@tvoroyri.fo Persónupplýsingar Rita inn