Visit Suðuroy skrivstovurnar hava, í felag, gjørt ein faldara, ið lýsir øll søvnini í Suðuroynni. Tað eru Visit Faroe Islands, Tvøroyrar- og Vágs kommuna, ið hava fíggjað myndatilfar og prentingina av faldaranum. Klara Johannesen hevur tikið myndirnar.
Søvnini eru mong í Suðuroynni, nærum í hvørjari bygd, og øll hava tey sína serstaku søgu at lýsa, alt frá fuglum í Sumba til gamla bóndalívið í Sandvík. Faldarin er tí ætlaður at geva íblástur til, hvat er at uppliva á ymisku søvnunum og í ymisku bygdunum í oynni. Flestu søvnini eru einans opin eftir avtalu, og hetta ber til at fáa í lag, við at venda sær til kunningarstovurnar í oynni. Hví ikki fara á savnsmarathon í Suðuroynni?
Faldarin er ókeypis, og er at fáa í Miðlatún í Vági og á kunningarstovuni á Tvøroyri.
Hann kann eisini lesast talgilt her:
